Kryetari i Komunës së Gjakovës, Ardian Gjini, ka bërë të ditur se të gjithë personat e ri-testuar nga kjo komunë kanë dalë negativë me COVID-19.

Gjini ka thënë se aktualisht në Komunën e Gjakovës nuk ka asnjë të infektuar me coronavirus.

“Ky është lajm shumë i mirë për Gjakovën dhe të gjitha institucionet dhe individët e përfshirë në menaxhimin e pandemisë meritojnë lëvdata dhe falënderime”, ka shkruar Gjini në facebook.

Gjini poashtu ka thënë se nëse jemi të disiplinuar shumë shpejt mund ta shpallim fitoren kundër pandemisë

Postimi i tij i plotë:

Sipas informatës së fundit, të gjithë personat e ritestuar nga komuna e Gjakovës kanë dalur negativ ndaj Covid-19. Kjo do të thotë se aktualisht në komunën tonë nuk ka të infektuar.
Ky është lajm shumë i mirë për Gjakovën dhe të gjitha institucionet dhe individët e përfshirë në menaxhimin e pandemisë meritojnë lëvdata dhe falënderime.
Poashtu, të gjithë ish të infektuarit meritojnë falënderim dhe respekt për diciplinën dhe vetëdijen e lartë qytetare që e kanë treguar në mbrojtje të të afërmve dhe bashkqytetarëve tjerë nga infektimi i mundshëm.
Sidoqoftë, sonte nuk mund të shpallim fitore. Në Kosovë, në rajon dhe në botë virusi ende qarkullon dhe ende ekziston mundësia e infektimit dhe e ripërhapjes së koronavirusit.
Prandaj duhet të vetpërmbahemi dhe t’i respektojmë rregullat në vazhdimësi.
Nëse do të jemi të diciplinuar, shumë shpejt mund ta shpallim fitoren kundër pandemisë!