Që prej rasteve të para më Covid 19 në Kosovë, komuna e Prishtinës ka bërë dezinfektimin dhe vendosjen e dezinfektuesve në hyrje të banesave.

E këtë të fundit pritët ta bëj edhe ditëve në vazhdim, shkruan arbresh.info.

Tashmë është dhënë edhe tenderi për kompaninë që do të bëjë furnizimin me dezinfektues për duar për banorët e objekteve banesore.

Ndërsa ky furnizim i ka kushtuar rreth 2 mijë e 500 euro. Në njoftimin e bërë publik në faqen e Komisionit Rregullativ të Prokurimit Publik thuhet se për kontratën me titull ‘Furnizimi me dezinfektues për duar për banoret e hyrjeve te objekteve te reja banesore’ është shpenzuar vlera prej 2.400 euro.

Operatori ekonomik i vetëm që kishte aplikuar e që edhe ishte shpallur fitues ‘INTERNACIONAL GROUP BASE SH.P.K.’ nga Prishtina.

Kjo kompani është regjistruar në Agjencinë e regjistrimit të bizneseve të Kosovës vetëm rreth 2 javë më parë, më 16.04.2020. Kompania me kapital prej 4,500.00 është në pronësi të Qamil Zenelajt.

Ndërsa aktivitet primar ka aktivitetet e tjera të pastrimit dhe sekondar ka aktivitetet e tjera të pastrimit të ndërtesave, objekteve industriale./arbresh.info/