Qëlloi me mjete të forta në trup vjehrrën sepse përzihej në punët e saj.
Një gjë e tillë ka ndodhur dje në fshatin Dërsnik të Korçës.

28-vjeçarja me iniciale N.S., pas konflikteve që kishte me vjehrrën e tij, 56-vjeçaren F.M., pasi kjo e fundit komentonte çdo gjë që bënte nusja e saj.

Sipas policisë lokale, denoncimi është bërë nga vetë e dëmtuara, teksa ka thënë se nusja e saj nuk e do dhe e rrah pa pasur asnjë arsye.

Por, me sa duket kjo gjë është hedhur poshtë nga 28-vjeçarja, e cila tashmë është duke u ndjekur në gjendje të lirë.

Nusja e shtëpisë është shprehur në polici se ka disa vite që vjerra e saj “fuste hundët” në punët e saj.

“Ajo ka kohë që më komenton për çdo gjë që unë bëj. Duke filluar që nga punët e shtëpisë, e veshura e deri tek dalja ime me shoqërinë. Shpesh herë kam marrë vesh që për këto gjëra më ka komentuar e sharë edhe tek disa familje në fshat dhe unë nuk po e duroja dot më këtë situatë”, mësohet të ketë thënë 28 vjeçarja në polici.