Kurti nesër takon këshilltarët kryesorë të kancelares Merkel dhe presidentit Macron

22:09 | 9 Mars 2020
Arbresh.info

Kryeministri i Kosovës, Albin Kurti, as të martën nuk e ka në agjendë takimin me presidentin Thaçi, por do të ketë një takim të rëndësishëm me këshilltarët kryesorë të kancelares gjermane Angela Merkel dhe presidentit francez, Emmanuel Macron.

Në agjendën e bërë publike nga Zyra për Informim e Kryeministrit për ditën e martë, bëhet e ditur se kryeministri Kurti në orën 09:00 pret në takim një delegacion franko-gjerman, i përbërë nga Jan Hecker dhe Emmanuel Bonne – këshilltarët kryesorë të kancelares gjermane Angela Merkel dhe presidentit francez Emmanuel Macron

Më pastaj në orën 11:00 kryeministri Kurti merr pjesë në aktivitetin përmbyllës për përfshirjen e lëndës “Gjinia dhe Ekonomia”, në Fakultetin Ekonomik, Universiteti i Prishtinës

Ndërsa në orën 13:00 do të mbahet mbledhja e rregullt e Qeverisë së Kosovës./arbresh.info/