Presidenti i Kosovës Hashim Thaçi ishte në vizitë zyrtare në Uashington, të cilën e cilësoi si të jashtëzakonshme për interesat e Kosovës.

Ai është takuar me Këshilltarin e Sigurisë Kombëtare të SHBA Robert O’Brien si dhe të dërguarin e posaçëm të presidentit për dialogun Kosovë-Serbi, Richard Grenell, shkruan portali arbresh.info.

Ndërkohë presidenti serb Aleksandar Vuçiq se në takim e tij me dyshen e lartëpërmendur ishte edhe dhëndri i Donald Trump, Jared Kushner që është Këshilltar Special i presidentit.

Arbresh.info ka tentuar të marrë vesh nëse në takimin Thaçi-O’Brien-Grenell ishte poashtu prezent Kushner.

Një gjë e tillë as nuk është pohuar dhe as mohuar.

Gjersa prania e paparalajmëruar e dhëndrit të Trumpit në takimin me Vuçiqin thuhet të ketë çuar në një bisedë që ka zgjatur një orë.

Prania e tij në takim thuhet të jetë bërë me ftesë të ambasadorit amerikan në Gjermani, Richard Grenell.

Jared Kushner, si Këshilltar Special i presidenti Donald Trump ka një ndikim të madh në politikën e jashtme. Ai është personi i cili është përfshirë direkt në politikën e SHBA-ve për Izraelin dhe Palestinën edhe pse ai nuk ka përvojë të diplomacisë së Lindjes së Mesme./arbresh.info/

Në takimin e Vuçiqit me Grenell prezent ishte edhe dhëndri i Trumpit