Ish-oficeri i Ushtrisë Çlirimtare të Kosovës, njëkohësisht gjenerali i luftës në zonë e Koshares, Hisen Berisha, në një intervistë për arbresh.info, ka treguar se pse e la uniformën e ushtrisë, për t’iu bashkuar politikës.

“Kam një periudhë të gjatë të shërbimit në uniform, e më e lavdishmja është ajo e UÇK-së, që kemi luftuar për lirinë, e pastaj kam kaluar në Trupat Mbrojtëse të Kosovës (TMK), në strategjinë e doktrinave dhe koncepteve, e po ashtu në Forcat e Armatosura të Kosovës kam lënë një gjurmë, që më kanë dhënë piedestalin e krenarisë dhe lavdisë. Projektin e FAK, e kemi dorëzuar në prill të 2014, e në qershor të 2015 e kemi dorëzuar planin gjithëpërfshirës të transformimit, e ky projekt është analizuar deri në hollësitë më të vogla”, ka thënë Berisha.

Hiseni po ashtu ka përmendur edhe kalimin e tij në Partine Demokratike të Kosovës, edhe pse ka pasur bindje të forta edhe me dr. Ibrahim Rugovën.

“E një alternativë ka pasur pavarësimin e Kosovës, e për këtë objektiv e kemi arritur sepse për këtë të gjithë janë meritor edhe presidenti Rugova dhe priada e tij që kanë punuar në përgatitjen e terrenit politik, e lufta e Ushtrisë Çlirimtare e Kosovës është vendimtare, që të kemi mbështetjen e ndërkombëtarëve, e këtë e ka bërë politika e tij mençur, filozofia e tij paqësore, sfidimi i tij që e bëri serbëve në atë kohë, e kjo e bëri që ne të kemi një luftë të suksesshme të vitit ‘89-‘99”.

Berisha ka treguar, se LDK, ka shkelur mbi parimet e lirisë, dhe po ashtu ka përmendur edhe rastin e Fatmir Sejdiut që e kanë hequr nga listimi i kësaj partie.

Po ashtu ditë më parë, një burim i arbresh.info, ka thënë se Hisen Berisha, Anton Quni dhe Rrustem Berisha janë bërë bashkë në Ministrinë e Mbrojtjes në Qeverinë e Albin Kurtit.

“Kam parë këtë informatë, ajo është vetëm në nivelin medial, por deri më tani nga ana ime është vetëm një informatë mediale, mund të jetë e vërtetë mund të mos jetë e vërtetë, por nuk dua ta quaj të tillë, por është çështje e medias me këtë temë. Unë nuk kam marr asnjë ftesë se dikush ka një synim të tillë, për një raport me mua, por unë jam institucionalist fanatik, e luftoj që të respektohen strikt, veprimi institucional, e ajo duhet të ndodhte përmes një shkrese zyrtare apo takimi formal, me të cilën shfaqet ideja për diçka të tillë, unë nuk kam pranuar një të tillë, e nëse do të ndodhë, atëherë do ta kem përgjigjen adekuate”, ka thënë Berisha.

Berisha nuk e ka mohuar nëse me 17 shkurt do t’i bashkohet LDK-së.

“Me 17 shkurtë është Dita e Pavarësisë, do ta festojmë do i nderojmë dëshmorët. Nëse do të ketë ndonjë shkresë zyrtare në këtë drejtim unë do ta kem përgjigjen adekuate në kohën e vet”, ka shtuar Berisha./E.Ballazhi/Arbresh.info/

https://www.facebook.com/arbresh.info/videos/172545214049991/