Prapashtica ndër të tjera njihet edhe si vendlindja e ish-kryetarit të komunës së Prishtinës, Isa Mustafës.

E ky i fundit gjatë kohës sa mbajti pozitën e të parit të kryeqytetit duket se nuk u interesua shumë për vendlindjen e tij. Në këtë fshat ka ende rrugë të pa asfaltuara, ndërsa për këtë po kujdeset pasardhësi i tij, Shpend Ahmeti, shkruan arbresh.info.

Komuna e Prishtinës ka njoftuar për nënshkrimin e kontratës me titull ‘Ndërtimi i  rrugëve në lagjet Canolli , Qazimaj dhe Sekiraqa në fshatin Prapashticë’.

Tenderi i cili kap shifrën prej afër 300 mijë euro ose saktësisht 279.385,68 euro i është dhënë kompanisë ‘MILENIUM KONSTRUCTION  SH.P.K.’ nga Prishtina.

Në mesi e 10 kompanive sa kishin aplikuar kjo e fundit kishte ofruar çmimin më të ulët ndërsa ai më i larti i ofruar ishte 397.000,00.

Kështu bëhet e ditur në njoftimin e bërë publik në faqen zyrtare të Komisionit Rregullativ të Prokurimit Publik. Aty gjithashtu se kohëzgjatja e kontratës është 90 ditë./arbresh.info/