Prokuroria Speciale e Kosovës (PKRS) ka dhënë detaje rreth motivit të arrestimit të Ikballe Berisha – Hudutit.

Zëdhënësi i Prokurorisë Speciale të Kosovës, Ekrem Lutfiu i ka thënë arbresh.info se Berisha – Huduti është arrestuar me urdhër të PKRS-së, nën dyshimin për vepren penale ‘Shtytje për kryerjen e veprave terroriste”.

Po ashtu,  Lutfiu bëri të ditur se Prokuroria Speciale do të bëj kërkesë në gjykatën kompetente që të shqiptohet masa e cila garanton prezencën e  të dyshuarës në procedurë, duke mos cekur kërkesën e sakt të prokurorisë për maën e sigurisë ndaj tyë dyshuarës.

“Me urdhër të Prokurorisë Speciale, është arrestuar personi me inicialet I.H., për vepren penale ‘Shtytje për kryerjen e veprave terroriste” nga neni 135.

Prokuroria Speciale do të bëjë kërkesë në Gjykatë për shqiptimin e masës që garanton prezencën e saj në procedure”, ka thënë Lutfiu.

Kritikoi liderët vendor për përkrahjen e Amerikës në sulmin ndaj gjeneralit iranian, arrestohet Ikballe Berisha-Huduti

Ndryshe, Berisha – Huduti është arrestuar rreth disa deklaratave që ka postuar në faqen e saj në Facebook, kundër SHBA-së, pas vrasjes së gjeneralit iranin, Iranian Qasem Soleimanit.

“Njerezit si ti nuk vdesin, por te vdekurit qe ecin mbi toke e qe mbajnë gjak kriminile ata janë të vdekur por vetëm frymojnë për tu turpëruar vet dhe kombin e vet kriminel”, kishte shkruar Huduti-Berisha.

Ajo kishte thënë se hakmarrja ndaj kësaj vrasjeje është obligim.

“Zoti i dhasht durimin ngase te mbysesh zotin e shtepise i ke mbyt tere antaret e shtepise, e pastaj hakmarrja është obligim por nuk ka kufi”, kishte deklaruar ajo./arbresh.info