Sekretari amerikan i Shtetit, Mike Pompeo, ka hedhur akuza ndaj shtetit iranian për bllokimin e internetit, duke synuar ndalimin e përkujtimit të të vrarëve gjatë protestave antiqeveritare të nëntorit.

Përmes një statusi në twitter ai thekson se ky veprim është rikthim i dhunës.

Pompeo: Iranianët kanë të drejtë të përkujtojnë 1,500 viktimat e masakruara nga Khamenei gjatë protestave në Iran, Regjimi i frikësohet qytetarëve të vet dhe ka rikthyer dhunën si dhe ka ndërprerë qasjen në internet.

40 ditë më parë mijëra persona u ngritën në protestë pas rritjes së Ћmimit të karburanteve.

Burime nga mediat vendase bëjnë të ditur se qasja në internet është ndërprerë që prej natës së Krishlindjes, duke mos lejuar përhapjen e lajmeve mbi organizimin e qytetarëve në përkujtim të viktimave të 26 dhjetorit.

Sipas SHBA-së, autoritetet iraniane kanë vrarë më shumë se 1000 persona në protestat antiqeveritare që nga fillimi i nëntorit, shifër kjo e kundërshtuar nga Teherani.