Fatmir Limaj nga Nisma Socialdemokrate, duke folur për vendimin e Hradinajt për dorëheqje nga posti i kryeministrit, tha se ishte veprim jo-korrekt ndaj partnerëve të koalicionit.

Por, ish-zëvendëskryeministri tha se koalicioni përfundoi ashtu siç edhe nisi.

“Kosova s’ka mundur të shkojë tutje kështu. Vendimi i Haradinajt ishte i tij. Por, është elementare të bashkëbisedosh me partnerët për vendimin, pasi partnerët të kanë zgjedhur. Për këtë arsye partnerët kanë mosbesime rrugës. Veprimi i Haradinajt ishte jo i duhur dhe jokorrekt ndaj partnerëve, të cilët ta kanë besuar postin më të rëndësishëm të vendit. Është dashur së paku të na falënderohet, e pastaj të marrë vendimin. Siç u krijua ky koalicion, ashtu edhe shkoi. Koalicioni u bë për shkak të posteve, jo për program. Përfundoi sikurse edhe nisi, shpejt. Të japësh dorëheqje pa i njoftuar partnerët, nuk është partneritet”, tha Limaj në  KTV.

Ai tha se motivi i dorëheqjes është individual dhe s’mund të detyrohet askush që të qëndrojë apo shkojë.

Limaj tha se “pothuajse të gjithë ishim lodhur në këtë qeverisjen e fundit, jo vetëm Haradinaj”.