Haradinaj takoi bujqit e Ferizajt, që ditë më parë protestuan para Qeverisë

14:47 | 24 Qershor 2019
A Z

Kryeministri Ramush Haradinaj është takuar serish me deputetin Labinot Tahiri.

Kjo është bërë e ditur nga vet, kryeministri Haradinaj në një postim në Facebook.

Kreu i ekzekutivit ka thënë se së bashku me Tahirin në këtë takim kanë qenë edhe një grup fermerësh nga Ferizaj, ku u diskutua për kompensimin e dëmeve të shkaktuara nga breshëri, të cilët ditë më parë protestuan para Qeverisë.

Postimi i plot i Haradinajt:

Prita në takim një grup fermerësh nga komuna e Ferizajt të shoqëruar nga deputeti i Kuvendit të Kosovës, Labinot Tahiri, me të cilët diskutuam dhe shqyrtuam modalitetet e kompenzimit të dëmeve të shkaktuara nga breshëri në këtë anë.

Theksova se Qeveria e vendit duke qenë përherë në mbështetje të fermerëve, do t’i shqyrtojë në afat optimal të gjitha mundësitë e trajtimit të kësaj teme në mënyrë që çështjet e ngritura nga ta të marrin kujdesin e merituar!