Edhe pas 20 vitesh të përfundimit të luftës dhe 11 vjet shtet, vendi ynë ende nuk ka dërguar në vend amanetin e dëshmorëve të cilët dhanë jetën për liri.

Kështu ka thënë në një intervistë për Arbresh.info, ish-luftëtari i UÇK-së, tashmë nënkryetar i Komunës së Prishtinës, Selim Pacolli.

“Akoma s’është bërë mjaftueshëm për amanetin e luftëtarëve përderisa serbët po flasin për betejën e Koshares si të tyre. Po flasim për kufirin me Shqipërinë. Ne jemi në borxh ndaj të gjithë dëshmorëve, ndaj amanetit dhe veprave të tyre dhe nga familjet e fëmijët e tyre”.

Këto deklarata nënkryetari i Prishtinës, e ka dhënë  në ditën kur po kujtonte bashkëluftëtarin e tij Basri Canolli-Shpendi, i cili u vra në përballje me serbët.

“Është e vërtet se me Shpendin kam qenë bashkëluftëtar. Pas një marrëveshje që u arrit në atë kohë në Kumanovë, ne morëm obligimet dhe komandën nga shtabi jonë që ne të shkojmë aty dhe në ora 03:00 të mëngjesit në dy luftim në fshatin Leshtarë, Shpend Canolli ra dëshmorë. Ajo çka u tha për Shpendin është vetëm gjysma e punës së tij. Ai ishte njëri nga liderët e njësiteve tona.
Për tu përshkruar vepra e një heroi dhe dëshmori të kombit nuk ka fjalë. Është e pa përshkruar vepra e luftëtarit. Ai thoshte se nuk ka liri pa u dëbuar edhe çizmja e fundit e shkijve. Jonë bartë armët me qerre dhe janë pru në zonat e luftës.”

Nënkryetari i Prishtinës, Pacolli, tutje ju ka bërë thirrje të gjitha institucioneve të vendit që të kthejnë kokën nga veprat e dëshmorëve dhe mos t’i harrojnë amanetet e tyre.

“I bëj ftesë të gjithë institucioneve të Kosovës që të kthejmë kokën dhe sytë nga vepra e dëshmorëve më kusht që s’do ta harrojmë të kaluarën dhe ta ndërtojmë një të ardhme të ndritshëm”./Arbresh.info/