Pas takimit të sotëm së Partisë Socialiste për hapjen e fushatës elektorale ka reaguar edhe Nënkryetarja e LSI-së, Kejdi Mehmetaj.

Reagimi i Kejdi Mehmetaj, Nënkryetare e Lëvizjes Socialiste për Integrim

Kryeministri i fitoreve imagjinare të njëpasnjëshme, i mbyllur në palestrën që nuk do të duhej ti dilte për madhësi as FRESSH-i, i tregoi sot shqiptarëve forcën e tij “gjigande”.

Ky “trim mbi trima”, i mbyllur nga vrima e miut, i tregonte forcën luanit (popullit të tij) me kërcënime, që një Zot e di kush ja ka dhënë të drejtën ti lëshojë.

E çfarë kërcënimesh… Kërcënime me viza, me ato viza që falë këtij “trimi” fitoresh legjendare, rrezikojmë të na i heqin si shtet. Do jau heqin madje edhe atyre që sot verbërisht kishte marrë me vete në vrimën e miut.

Këtij “trimi” që kemi për kryeministër udha e mbarë i qoftë. Shqiptarët do të vazhdojnë me bindje rrugën që kanë nisur drejt pastrimit të vendit nga këta brejtës që shkatërrojnë çfarë u del përpara e për mbrojtje futen pastaj vrimave.