Familjarët e të pagjeturve nga lufta e fundit në Kosovë iu gëzuan iniciativës për formimin e Tribunalit Ndërkombëtarë për krimet që Serbia ka kryer gjatë luftës në Kosovë, shkruan arbresh.info.

Përfaqësuesi i familjarëve, Bajram Qerkini nga shoqata “Zëri i prindërve” në një intervistë për portalin arbresh.info ka treguar se si e kanë pritur familjarët e të pagjeturve këtë iniciative.

“Ne familjarët jena gëzuar që pas 20 vitesh t’i bie në mend dikujt që duhet të themelohet një Tribunal Ndërkombëtarë që të kapen kriminelët e të mos na shëtitin nëpër Kosovë ata njerëz të cilët i kemi pa e i dimë e kemi dhënë shumë herë deklarata se kush janë ata” tha ai.

Familjarët e të gjitha komunave e kanë mirëpritur mirë iniciativën për formimin e Tribunalit Ndërkombëtarë.

“Familjarët janë kon të gëzuem shumë. E kanë, pritë kur jemi ardh ne duke pyetur a është formuar”.

Qerkini thotë se formimi i Tribunalit Ndërkombëtarë do të ndodh patjetër.

“Politika në këtë pjesën humane nuk duhet të përzihet. Formimi i Tribunalit Ndërkombëtar nuk ka të ndalur formimi i saj do të ndodh gjithqysh. Sepse janë edhe 1650 e diçka të pagjetur dhe i kemi argumentet që janë jashtëzakonisht të vërteta”.

Për më shumë ndiqeni intervistën e plotë: