Ish-ministri i Jashtëm i Republikës së Shqipërisë, Ditmir Bushati ka thënë se ndihet i nderuar që ishte pjesë e ceremonisë së vlerësimit më titullin “Kalorës i Urdhrit të Flamurit” të gjimnazit të tij, “Petro Nini Luarasi”, me rastin e 60 vjetorit të themelimit.

Bushati ka shprehur mirënjohje për plejadën e mësuesve, për përkushtimin e tyre në këtë gjimnaz.

“Mirënjohje të gjithë plejadës së mësuesve që me përkushtimin e tyre na edukuan duke e kthyer “Petro Nini Luarasin” në një prej shkollave simbol të Shqipërisë”, ka shkruar Bushati në facebook.

Postimi i plotë:

Shumë i nderuar që isha pjesë e ceremonisë së vlerësimit me titullin “Kalorës i Urdhrit të Flamurit” të gjimnazit tim, “Petro Nini Luarasi”, me rastin e 60 vjetorit të themelimit. Mirënjohje të gjithë plejadës së mësuesve që me përkushtimin e tyre na edukuan duke e kthyer “Petro Nini Luarasin” në një prej shkollave simbol të Shqipërisë. Gëzuar 60 vjetorin gjimnazit të talenteve shqiptare!