Ka filluar raportimi i ministrit të Jashtëm të Kosovës, Behgjet Pacollit para komisionit për Integrime Evropiane.

Pacolli para komisionit ka raportuar për punën që ka bërë ministria e jashtme për të theksuar dhe mbajtur raportet me bashkimin evropian, shkruan arbresh.info.

Ai ka folur edhe për liberalizimin e vizave duke thënë se vizat kanë mbetë plagë për të gjithë. Por sipas tij ky vit është vendimtar për liberalizimin e vizave.

“Forcimin e lidhjeve bilaterale mes Kosovës dhe BE-së së ka qenë synim i takimeve tona. Ne jemi duke u përgatitur që të dëshmojmë se jemi partner të besueshëm të bashkimit evropian. Ne jemi duke punuar për afrimin e raporteve me BE në”, ka thënë ai.

I pari i diplomacisë kosovare ka shtuar gjithashtu se liberalizimi nuk varet vetëm nga Kosova.

“Procesi i integrimit nuk ashtë i varur i gjithi nga na, liberalizimi i vizave po mbetet një plagë për të gjithë. Përgjegjësia mbetet tek shtetet anëtare të BE së, unë vazhdimisht kom pas takime me të gjithë përfaqësuesit e shteteve evropiane. Në 4 muajt e fundit kam pas takime me përfaqësuesit e Gjermanisë. Besoj shumë se ky vit është vit deciziv” tha Pacolli gjatë raportimit te tij para komisionit./Arbresh.info/