Pedro Rodriguez Galvez ka arritur në Kosovë për ta bërë një dokumentar rreth suksesit të Përfaqësues tonë në futboll.

Gazetari nga Spanja, Pedro Rodriguez Galvez me të arritur në Kosovë është befasuar fillimisht me aeroportin ndërkombëtar “Adem Jashari”.

Spanjolli është befasuar me prezencën e pakët të njerëzve në aeroport, gjersa ka kritikuar edhe transportin publik për në kryeqytet, shkruan lajmi.net.

Galvez ka postuar disa foto në llogarinë e tij në Twitter, duke i shprehur këto pakënaqësi.

“Zbrita në Kosovë. Gjëja e parë që më befason është se vështirë po gjej njerëz në aeroport dhe nuk ka transport publik në qytet. Zgjidhja e vetme për të shkuar atje është të marrësh taksi (35 euro) apo të marrësh një veturë me qëra (30 euro). Zgjodha të ngas nëpër rrugët e Kosovës” ka shkruar në Twitter Galvez.

Aterrizo en Kosovo??. Lo 1° que me sorprende es que apenas hay gente en el aeropuerto y no hay transporte público desde allí a la ciudad. La única forma de llegar es en taxi (35€ ida) o alquilando un coche (30€ 24horas). Me aventuro a conducir por las carreteras kosovares?️?? pic.twitter.com/wZdfGCTIn3

— Pedro Rodríguez (@PedroPensil) April 22, 2019