Sindikata e Pavarur e Sektorit Privat të Kosovës janë duke protestuar para objektit të Komunës së Prishtinës, në shenjë pakënaqësie me mospagesën prej katër për qind të rritjes së pagave për punëtorët teknikë të disa shkollave të kryeqytetit.

Edhe sot SPSPK ka kërkuar që Komuna e Prishtinës, gjegjësisht kryetari Shpend Ahmeti të mbajë fjalën e dhënë për të paguar 4% e rritjes së pagës që iu është thënë që nga muaji janar, raporton arbresh.info.

Jusuf Azemi nga kjo sindikatë ka thënë se nëse nuk zbatohen kërkesat do të futen në një grevë të përgjithshme.

“Që nga sot do të caktojmë datën për një grevë të përgjithshme, për shkak se kryetari premton dhe nuk e mban fjalën”, tha Azemi.

Ata kërkojnë që t’iu paguhen paga me 4 % rritje në sektorin publik nga 1 janari 2018. Sipas tyre, ka neglizhencë nga ana e Komunës së Prishtinës për kthimin e këtyre punëtorëve nën menaxhimin e komunës, sipas ligjit për kryeqytetin, i cili është aprovuar vitin e kaluar.

Kujtojmë se punëtorët teknikë të disa shkollave të Prishtinës, punëtorët e sigurimit dhe të QMF-ve do të jenë pjesë e kësaj proteste./Arbresh.info/