Barcelona ka fituar 4-1 përballë Levantes në Camp Nou.

Katalunasit e dominuan fraksionin e parë lojës, mirëpo mysafirët arritën të mbaheshin duke shkuar në pushim me portën të paprekur.

Seria e golave nisi në gjysmën e dytë. Messi dërgoi një harkim fantastik në zonë, të cilin e priti Bartra për ta zhbllokuar rezultatin (50’).

Pas një angazhimi të Alves nga e djathta, topi shkoi te Neymar, i cili dështoi në tentimin e parë, ndërsa në të dytin ua futi topin nën këmbë dy mbrojtësve për ta dyfishuar epërsinë (56’).

Ndalimi i Neymarit në zonë nga Trujillo u ndëshkua me penalti. Lionel Messi ishte i saktë nga pika e bardhë (60’).

Në minutën e 66-të, Victor Casadesus realizoi golin e nderit për mysafirët.

Në vazhdim të ndeshjes, u akordua një tjetër penalti për Blaugranët, por kësaj radhe Messi gjuajti mbi portë. Argjentinasi nuk mund t’ia falte vetes këtë gabim dhe shënoi një gol në stilin e tij, teksa katër mbrojtës nuk arritën ta ndalnin (90’).

Barca ka 4 ndeshje dhe po kaq fitore dhe udhëheq tabelën me 12 pikë. /Albeu.com/

https://www.youtube.com/watch?v=u5gwGfhSfcg