Janë publikuar formacionet zyrtare për ndeshjen në stadiumin “Fadil Vokrri” mes Kosovës dhe Bullgarisë.

Dy skuadrat kombëtare kanë bërë publike njëmbëdhjetshen e tyre startuese takimin mes tyre mbrëmjen e sotme (e hënë) në kuadër eliminatorëve për Kampionatin Evropian 2020, shkruan portali arbresh.info.

Përzgjedhësi Bernard Challandes ka bërë disa ndryshime të vogla nga ndeshja e kaluar miqësore kundër Danimarkës.

Në linjën frontale janë yjet si Muriqi, Zeneli, Celina dhe Rashica, ndërsa kjo ndeshje shënon edhe rikthimin e Kryeziut si kapiten dhe Benjamin Kolollit nga lëndimi.

Kombëtarja jonë synon të nis me këmbë të mbarë ndeshjet kualifikuese për turneun evropian dhe tri pikë janë më se të nevojshme për “Dardanët” sonte në “Fadil Vokrri”.

Ndeshja fillon në ora 20:45./arbresh.info/