Sot në Qendrën Informative dhe Kulturore të Bashkimit Evropian, në Prishtinë do te mbahet debat mbi barazinë mes grave dhe burrave në Kodin Civil.

Qendra Informative dhe Kulturore e Bashkimit Evropian në bashkëpunim me programin e Kodit Civil është duke organizuar debat mbi barazinë e burrave dhe grave në të drejtën civile.

Ndryshimet në Kodin Civil duhet të garantojnë të drejta të barabarta për gratë dhe burra në Republikën e Kosovës, në të gjitha aspektet e jetës.

Ligji për Familje, Ligji për Trashëgimi, por edhe Pronësia e pasurisë dhe aseteve tjera duhet të ofrojnë barazi në të gjitha rrethanat.

Çështja e barazisë në kontekstin shoqëror mund të adresohet përkitazi vetëm nëse ligjvënësit hartojnë dispozita ligjore të cilat garantojnë të drejta të barabarta.

Gjatë debatit, do të shqyrtohet edhe Kushtetuta e Republikës së Kosovës dhe nëse ligjet në fuqi apo çfarëdo projektligji në procesin e hartimit është në pajtueshmëri me Kushtetutën.