Takimi i sotëm (e martë) mes Lazios dhe AC Milanit ka përfunduar pa gola 0 me 0.

Ndeshja e parë në kuadër të gjysmëfinales në Kupë të Italisë e zhvilluar mes dy skuadrave italiane në Olimpico nuk ka prodhuar gola, shkruan portali arbresh.info.

Lazio e shqiptarëve, ku startues ishte vetëm Thomas Strakosha ndërkohë që Valon Berisha vazhdon qëndrimin jashtë fushe si pasojë e lëndimit në pulpë, nuk arriti të shënojë në shtëpi kundër skuadrës në formë të Gennaro Gattusos.

Nikoqirët kishin një numër të madh rastesh duke rrezikuar herë pas here portën e Donnarmas, madje edhe duke goditur një herë shtyllën gjatë pjesës së dytë, por në fund ndeshja u mbyllë pa gola.

Takimi kthyes mes dy skuadra në kuadër të gjysmëfinales së Kupës së Italisë zhvillohet më 24 prill në Giuseppe Meazza./arbresh.info/