Modelja e famshme shqiptare, e cila po ndërton karrierë edhe në muzikë, Almeda Abazi është tejet e komentuar nga mediat rozë.

Bukuroshja shqiptare e cila jeton dhe vepron në Turqi përveç ditëlindjes festoi edhe përvjetorin e dytë të martesës me aktorin e njohur turk, Tolgahan Sayisman, shkruan portali arbresh.info

Bukuroshes shqiptare i ishte organizuar një festë nga bashkëshorti i saj i cili edhe mbishkrimin e tortës e bëri në gjuhën shqipe.

‘Të dua shumë”, janë fjalët e Tolgës drejtuar Almedës.

Bukuroshja shqiptare dhe aktori i famshëm turk e kurorëzuan me martesë lidhjen e tyre në një ceremoni të mbajtur në Shtetet e Bashkuara të Amerikës.

Në ceremoninë martesore të zhvilluar në një tarracë në Beverly Hills ishin të pranishëm 40 të ftuar, kryesisht familjarë dhe miq të ngushtë, ndërsa evenimenti u mbajt pikërisht në ditën kur dikur më e bukura e Shqipërisë festonte ditëlindjen e saj.

Ndryshe, Almeda është shtatzënë dhe do të sjellë në jetë fëmijën e parë të çiftit që do të jetë djalë./arbresh.info/