Manaj mesazh tifozëve: Shihemi shumë shpejt në fushë!

22:11 | 5 Janar 2019
Arbresh Info

Rei Manaj ka lënë ditën e sotme spitalin e Granadës, ku u shtrua pas goditjes së fortë që mori në fytyrë ditën e djeshme, në ndeshjen që Albacete luante në transfertë ndaj Granadas.

Vetë sulmuesi, nëpërmjet klubit në rrjetet sociale, ka falënderuar të gjithë tifozët për mbështetjen, dhe tregon se do të rikthehet shumë shpejt në fushë.

Shqiptari shihet ende me disa shenja në fytyrë, edhe pak i ënjtur, por kontrollet e mëtejshme do të përcaktojnë nëse do të ketë nevojë për ndërhyrje të tjera.

“Shumë faleminderit të gjithë tifozëve për mbështetjen. Dua të them se do të shihemi shumë shpejt në fushë”, u shpreh Rei Manaj. /albeu.com/

Shpërndaje në rrjete sociale

Lajmet më të lexuara

Të ngjashme

Foto lajm

sq sq