Pas një debati të gjatë për projektligjin e buxhetit të Republikës së Kosovës për vitin 2019, seanca e Kuvendit është ndërprerë për të vazhduar nesër.
Sipas kryesuesit Kujtim Shala, duke mos hedhur në votim projektligjin, tha se seanca do të vazhdojë nesër në orën 11:00. Në seancë kanë mbetur edhe nëntë pika të rendit të ditës.

Gjatë ditës, projekt buxheti u lavdërua nga pozita duke thënë se për herë të parë ka një ngritje kaq të shpejt të buxhetit. Pozita tha se janë shtuar investimet në të gjitha sektorët, posaçërisht në shëndetësi, infrastrukturë, kulturë, arsim dhe sektorë të tjerë.

Ndërsa, u kritikua nga opozita si buxhet i cili orientohet në asfalte dhe kabinetin qeveritar, por jo në zhvillim ekonomik, investim në Trepçë apo edhe në Termocentralin Kosova e Re.