Ministrja serbe e Drejtësisë, Nela Kuburovic  tha se nuk do të heqin dorë nga hetimet mbi rastin e vdekjes së politikanit Oliver Ivanoviç.

Kuburovic tha se përkundër mungesës së vullnetit të Prishtinës për zbardhjen e rastit, Serbia nuk do të ndalet.

“Bashkëpunimi është vetëm i një anshëm dhe është e qartë që vetëm Beogradi dëshiron që të gjendet dorasi.”, u shprehë ministrja Nela Kuborovic.

Ajo tha se autoritetet e Kosovës dërguan tetë letra Zyrën së Prokurorisë së Serbisë për Krimin e Organizuar për dërgimin e informacioneve dhe se Serbia iu përgjigj të gjithave.

Ndërsa Nela tha se Prishtina i është përgjigjur vetëm njërës nga tre letrat që autoritet serbe kanë dërguar.

Oliver Ivanoviç u vra në janar të këtij viti. Policia e Kosovës së fundmi mori një aksion ku arrestoi tre të dyshuar. I dyshuari kryesor Milan Radojçiq iku nga autoritet kosovare por u kap nga ato serbe që e morën në pyetje dhe e liruan.