Ndërrohen shtretërit edhe në Klinikën e Ortopedisë

13:41 | 30 Nëntor 2018
A Z

Gjatë ditës së sotme janë ndërruar shtretërit edhe në Klinikën e Ortopedisë në QKUK.
Në këtë klinikë, shtretërit nuk ishin ndërruar nga viti 1981. Madje, si pasojë e shtretërve të vjetër, në këtë klinikë dje janë rrëzuar dy pacientë pasi ata janë thyer.

Lajmin për ndërrimin e shtretërve të ri në këtë klinikë e ka bërë të ditur vetë ministri i shëndetësisë, Uran Ismaili.

“Dy pacientë janë rrëzuar dje në Klinikën e Ortopedisë derisa kanë qenë duke qëndruar në këta shtretër. Fatmirësisht pa pasoja, por nuk mund të pritet diçka më e mirë në shtretër të vitit 1981. Sidoqoftë, kjo ka qenë dje, ndërkaq sot, në Klinikën e Ortopedisë, janë ndërruar 60 shtretër dhe 14 të tjerë në atë të Fiziatrisë. Shtretër të rinj sot janë dërguar edhe në Gjinekologji (117), Neonatologji (22) dhe Endokrinë (26)”, ka shkruar ministri Uran Ismaili.

Më herët, shtretërit janë ndërruar edhe në Klinikën e Pulmologjisë, Infektivë dhe Gjinekologji