Një nga personat që ishte shpallur në kërkim për ngjarjen e rëndë në ish-bllok në 4 tetor është vetedorëzuar në policinë e Tiranës.

Ajaks Boshnjaku, i cili ka qenë i pranishëm në konfliktin e armatosur që ndodhi në lokalin në pronësi të Redi Popeskut ishte shpallur në kërkim si person që ka dijeni për këtë ngjarje ku mbeti i vrare Fabian Gaxha dhe u plagosën Ervis Martinaj dhe Eljon Hato.

Boshnjaku u vetëdorëzua mbrëmjen e së dielës në Drejtorinë e Policisë Tiranë ku mbërriti i shoqëruar nga avokatja e tij, Olta Myftaraj.

Ajaks Boshnjaku është mik i komandos Mevjol Billo i cili është i dyshuari kryesor për shkëmbimin e zjarrit me viktimën dhe të plagosurit të cilët ishin miq me njëri-tjetrin.

Ndërkohë që policia vazhdon kërkimet për personat e tjerë të përfshirë në këtë ngjarje te rëndë mes të cilëve përveç Billos, ështrë edhe partneri i këngëtares Elvana Gjata, Ervin Mata.