Ish-kryetari i Kuvendit, Jakup Krasniqi, ka bërë shtatë pyetje në drejtim të presidentit, Hashim Thaçi, pasi ky i fundit bëri të ditur takimin me presidentin e Rusisë, Vladimir Putin.

Pyetjet e Krasniqit kërkojnë përgjigje konkrete rreth fazës finale të negociatave  me Serbinë të ndërmjetësuara nga Bashkimi Evropian, shkruan arbresh.info.

1. Kush duhet ta përgatitë atë marrëveshje?
2. A e ka autorizuar Kuvendi i Kosovës, Kryetarin Thaçi për ketë çështje?
3. A ka një dokument iniciues dhe kush e ka inicuar atë?
4. A mund t’ju besohet kjo çështje kaq e madhe dy kryetarëve të Kosovës e Serbisë?
5. Cilat janë shtyllat kryesore të kësaj Marrëveshjeje?
6. Kjo Marrëveshje a do të jetë definitive për normalizimin e marrëdhënieve Kosovë-Serbi?
7. Kush e garanton ketë Marrëveshje nga pala ndërkombëtare?

Këto janë pyetjet e  kryetarit të Këshillit Kombëtar të Nismës Socialdemokrate, Jakup Krasniqi.

Gjatë ditës, vetë presidenti Thaçi bëri të ditur takimin me Putinin.

“Me presidentin rus Putin, u përqendruam për normalizimin e marrëdhënieve mes Kosovës dhe Serbisë dhe arritjes së një marrëveshjeje gjithëpërfshirëse dhe të detyrueshme. Për këtë temë, Putini ishte i qartë. ‘Nëse ju (Kosova dhe Serbia) arrini marrëveshje paqësore, Rusia do ta mbështesë atë,” ka shkruar Thaçi në Facebook./arbresh.info/