Përmes kësaj deklarate, Kryeministri siguron opsionin publik se ditën e hënë Presidenti Meta do të marrë përgjigje të qarta e të plota, lidhur me pyetjet e tij të dërguara shkresërisht.

Kryeministri i Shqipërisë, Edi Rama, e përshëndet përpjekjen e Presidentit të Republikës, Ilir Meta, për të kërkuar “përgjigje të qarta, të plota dhe shterruese, ndaj të gjitha çështjeve”, që sipas tij, Presidenti i Republikës, “nuk mundi të sqarohej herën e parë”.

Kryeministria thekson se herën e parë, Presidenti nuk ka kërkuar asnjë lloj sqarimi nga kreu i Qeverisë. Përkundrazi, nënvizon deklarata e Kryeministri, ka qenë Kryeministri që i ka kërkuar një takim sqarues Presidentit.

Përmes kësaj deklarate, Kryeministri siguron opsionin publik se ditën e hënë Presidenti Meta do të marrë përgjigje të qarta e të plota, lidhur me pyetjet e tij të dërguara shkresërisht.

Kryeministria tregon se vetëm dje Presidenti ka ngritur një problem shkresërisht në formë pyetësori, drejtuar Ministrisë së Mbrojtjes.

Bashkë me përgjigjet, Presidenti do të marrë edhe një zgjidhje shterruese, e cila nuk lë më asnjë shteg për interpretime të asnjë lloji, për asnjë palë, thekson Kryeministria.