Paralajmërohet mungesë e ujit të pijshëm për lagjet që furnizohen nga Badoci

13:41 | 29 Tetor 2018
A Z

Kompania Rajonale e Ujësjellësit ”Prishtina”, njofton konsumatorët e zonave që furnizohen me ujë të pijshëm nga sistemi i Badocit, siç është Hajvalia, Kishnica, Gracanica, Aktashi, zona qendër e Bregut të Diellit, dhe një pjese të lagjes së Muhaxhirëve në Prishtinë, se duke filluar nga mëngjesi i ditës së sotme mund ta ndiejnë mungesën e ujit të pijshëm
Sipas kompanisë, prodhimi i ujit nga fabrika e Badocit është zvogëluar nga 350 l/s në 200 l/s.

“Arsyeja e zvogëlimit të prodhimit të ujit prej 150 l/s, janë disa probleme teknike në stacionin e pompave në fabrikën e Badocit. Me zgjidhjen e këtij problemi teknik, janë duke u marrë intensivisht pjesa teknike në kuadër të drejtorisë teknike të KRU ‘Prishtina’ sh.a”, thuhet në njoftim.