Qeveria e koalicionit populist italian ka premtuar të përmbahet në planin e saj për një buxhet të vitit 2019 me një objektiv të deficitit prej 2.4%, tha Ministri italian i Financave Giovanni Tria pasi mori një letër nga Komisioni Europian duke paralajmëruar qeverinë e Italisë për të ndryshuar kursin.

Tria tha se drafti i planit të buxhetit të paraqitur më 16 tetor, “nuk vë në rrezik stabilitetin financiar të Italisë, e as të vendeve të tjera të Bashkimit Europian”, transmeton portali arbresh.info

Përgjigjja e Trias ndaj letrës së Komisionit që kritioi ashpër dhe hodhi poshtë projekbuxhetin e qeverisë italiane, vuri në dukje se përforcimi i ekonomisë italiane është “në interes të gjithë ekonomisë europiane”.

Komisionerët për çështjet euro, ekonomike dhe financiare pritet të refuzojnë zyrtarisht buxhetin italian mbi mjete teknike, por një zyrtar i BE-së konfirmoi për Europën e Re që Komisioni ka gjasa të tërhiqet nga qortimi i ashpër.

Sipas ekzekutivit të BE, plani i Italisë për të drejtuar një deficit prej 2.4 për qind të PBB-së së vendit të ardhshëm është një devijim i madh nga objektivat e rënë dakord dhe një shkelje e Paktit të Stabilitetit dhe Rritjes.

Kryeministri italian Giuseppe Conte tha më 22 tetor se plani i buxhetit për 2019 u përcaktua sipas nevojave të qeverisë, por qeveria e tij ishte e gatshme të fliste me institucionet e BE rreth paketës së paraqitur. “Ne donim të shpjegonim buxhetin tonë në BE”, u tha Conte gazetarëve në Romë./arbresh.info/