Raportohet se është shkarkuar nga detyra Drejtori i Policisë së Burgjeve Enrik Sulejmani.

Ai hezitoi të zbatonte urdhërin e ministrisë së Drejtësisë për transferimin e Ervis Martinit nga spitali privat në spitalin e burgut.

Burime për Fax News bëjnë të ditur se shkarkimi është bërë me urdhër të ministres së Drejtësisë, Etilda Gjonaj. Ervis Martini, një prej të plagosurve në ngjarjen e ish-Bllokut është transferuar pas shumë tensioneve, në spitalin e burgut.

Transferimi në spitalin e burgut është bërë gjatë natës, edhe pas kundërshtimeve të spitalit privat ku ishte shtruar Martini. Kërkesa ka shkaktuar tension mes mjekëve dhe forcave të rendit.

Mjekët e spitalit privat ku po merr mjekimin Martini kanë kërkuar që ai të vijojë mjekimin në ambientet e tyre spitalore. Ata kanë theksuar se i lënduari ka ka nevojë për mjekim të specializuar dhe duhet të qëndrojë ende aty.