Atletet e Ramës vjedhin vëmendjen edhe në Samitin e Londrës

Foreign Policy Chief Federica Mogherini (L) during a joint press conference with Albanian Prime Minister Edi Rama (R) in Tirana, on March 3, 2017. Mogherini is on a tour to the Balkan states - a tour that started in Montenegro and will end in Albania - to reassure the countries that the EU remains open for enlargement despite crises in the EU. GENT SHKULLAKU / AFP

00:30 | 11 Korrik 2018
Trina Galanxhi

Kryeministri i Shqipërisë Edi Rama ka vazhduar betejën e tij prej jokonformisti të kodit të veshjes, pasi edhe në Samitin e Londrës ka mbathur atlete të bardha.

I njohur tashmë për stilin e tij të veçantë, Rama ka zënë disa herë ballinat e mediave ndërkombëtare për paraqitjet e tij me veshje joformale në takime formale.

Atletet e bardha të Ramës u patën harxhuar mediave goxha ngjyrë të zezë në fjalët dhe fjalitë që përshkruanin dukjen e tij në një nga takimet me presidentin francez Emmanuel Macron.

Kryeministri shqiptar e pati çuar një hap më tutje këtë dimension të tijin kur në takimin me shefen e diplomacisë europiane Federica Mogherini kishte shkuar në tuta sportive kombinuar me një xhaketë serioze.

I kritikuar jo pak brenda Shqipërisë për dukjen e tij në këto takime, sa edhe i lavdëruar nga të huajt, Rama ka treguar se nuk e shqetëson njëra aq sa nuk e tundon tjetra.