Manchester United do të fitojë një shpërblim financiar nga transferimi i Cristiano Ronaldos prej 100 milionë euro nga Real Madridi te Juventusi.

Kapiteni i Portugalisë u largua këtë verë nga Bernabeu pasi oferta nga gjiganti në Serie A u pranua sot (e martë), transmeton portali arbresh.info.

Real Madridi konfirmoi përmes një deklarate në faqen zyrtare se tarifa e ofruar për shërbimet e Roanldos është pranuar. Menjëherë pas asaj, Ronaldo iu adresua klubit spanjoll dhe tifozëve me një letër të hapur.

Ronaldo të fitoj 30 milionë euro në vit nga kontrata katër vjeçare e nënshkruar me kampionin e Italisë. Por, për shkak të rregullave të FIFA-së, Manchester United dhe Sporting Lisbon do të përfitojnë gjithashtu.

“Djajtë e Kuq” do të fusin në gjep rreth 3.000.000 funta nga transferimi i 33-vjeçarit, ndërsa Sporting Lisbon do të fitoj një shpërblim më të vogël prej 2.000.000 funta./arbresh.info/