Shqipëria hyn në hartën e Hollywood-it, pasi do të jetë pjesë e një filmi mbi temën e Islamofobisë. Filmi do të sjellë në Shqipëri yjet e kinematografisë Mel Gibson dhe Jean-Claude Van Damme.

Ky projekt ka të bëjë me Islamofobinë, ku brenda tij ndërthuren paqja dhe toleranca. Në këtë projekt janë 29 aktorë nga 29 vende të ndryshme. Filmi do të tregoje kur nis lufta e Bosnjës në vitin 1985. Personazhi Omar ishte vetëm 8 vjeç. Babai i tij i krishterë u zhduk dhe pas kësaj ngjarjeje Omar dhe nëna e tij emigruan në Holande, për të nisur një jetë të re.

Tashmë një student i ri në universitet, Omar lufton me krizën e identitetit, shpesh përballë diskriminimit dhe racizmit. Përfundimisht ai konvertohet në mysliman. Kërkimi i tij për më shumë informacion rreth fesë do ta vendosi emrin e tij në listën e të kërkuarve nga CIA, për shkak të disa miqve të tij. Që nga ai moment jeta e tij merr një kthesë drastike.