Simone Zaza raportohet se është në prag të transferimit te Milani, pasi Nikola Kalinic do të kaloj te Atletico Madridi.

Dje u zbulua se sulmuesi i Valencias ishte në bisedime me “Rossonerët”, por ata kanë nevojë që Kalinic të largohet fillimisht para se një marrëveshje të finalizohet, transmeton portali arbresh.info.

Mëngjesin e sotëm (e enjte), ‘Gazzetta dello Sport’ raporton që kroati është në fakt në prag të largimit si një i huazuar me opsionin për blerje të obligueshëm pas një numri paraqitjesh.

Kjo është duke u shqyrtuar ende mes klubeve, por largimi i tij do të krijoj fonde për Zazan.

Reprezentuesi italian tashmë ka rënë dakord në kontratën katër vjeçare prej 2.5 milionë euro për sezon, ndërkohë që Valencia është e gatshme për të pranuar huazimin e tij me obligimin për të paguar më pas 20 milionë euro.

Zaza është rritur duke mbështetur Milanin pavarësisht sezoneve të kaluara më parë te Juventusi./arbresh.info/