Në Shqipëri, paratë e drogës janë shndërruar në para të politikës, kështu e titullon shkrimin e përditshmja franceze “Libération”.

Ndër të tjera gazeta franceze shkruan se si Shqipëria pati dyfishuar përpjekjet pë të siguruar çeljen e negociatave me Bashkimin Evropian.
Ky është shkrimi i plotë:

“….Në momentin kur Shqipëria dyfishon përpjekjet për të siguruar çeljen e negociatave me Bashkimin Evropian – qe do të diskutohet gjatë Këshillit Evropian të se enjtes – te shumte janë ata qe pyesin: lufta ndaj trafikanteve e qeverisë së Edi Ramës gjate këtyre 5 vjetëve, a mos është ajo veçse një farse?….

….Figura e Partisë Socialiste prej pothuajse dhjetëvjeçarësh, ministri i Brendshëm aktual, Fatmir Xhafaj, mbron bilancin e tij. Mirëpo ja ku dhe ai e gjen veten shënjestër te akuzave të kundërshtareve te tij politike, qe e akuzojnë të ketë mbrojtur të vëllanë, te dënuar ne 2008 ne Itali për trafik ndërkombëtar kokaine. Akuza të hedhura poshtë me përçmim nga ministri: “ju më përsërisni akuzat e opozitës”, i përgjigjet ai gazetës sonë. Gjithsesi Fatmir Xhafajn e kundërshtojnë bashkepunetoret e tij italiane. Sepse, nëse është e vërtete se fluturimet e Guarda di Finanza gjate 2017 kanë pikasur veçse 99 plantacione të dyshimta, përkundër 2086 në 2016, është po ashtu e vërtetë se hashashi shqiptar po vazhdon te vërshojë në brigjet e Puljas. ‘Kemi sekuestruar 860 kg hashash e marijuanë ne 2015, 13,9 ton në 2016, 34,9 ton ne 2017 dhe 10 tone përgjatë 4 muajve të parë të 2018’ rrëfen Nicola Albertino, gjeneral brigade në jugun e Italisë, ne Bari. Akoma më shqetësuese, ky i fundit nuk ndan optimizmin e ministrit shqiptar sa i perket perfundimit të prodhimit. ‘Nga ana tjetër [e Adriatikut], justifikimi që nxjerrin është se sasia e kapur vjen nga korrjet e viteve të shkuara. Mirëpo ne kemi analizuar përqindjen e agjentit aktiv të pranishëm në produkt me qellim përcaktimin e vjetërsisë së tij dhe na rezulton se prodhimi është i 6 muajve të fundit…’”

“Larg së qenit një çështje thjesht policore, trafiku i drogës rëndon gjithë shoqërinë. Rritja ekonomike e GDP-së arrin 3%, por nga ajo nuk përfitojnë shumica e shqiptarëve. Te shumtë janë ata që denoncojnë ndikimin e parave të drogës në ekonominë reale.

Në Tiranë kantieret e ndërtimit po shumëfishohen ndërsa hotelet e luksit po mbijnë kudo, edhe pse vendi mbetet zyrtarisht një ndër më të varfrit e Evropës. ‘Na duhet të strehojmë më shumë se 20 mijë qytetarë të rinj çdo vit’ te kundër argumentojnë në Bashkinë e Tiranës. Mirëpo as partneret e FMN-se nuk shfaqen të bindur nga disa prej PPP-ve, te gjykuara si pak transparente, ndërkohe që dyshimet mbeten mbi origjinën e financimit të bumit imobiliar ne kryeqytet. Çështjet e korrupsionit, skandalet e lidhjeve të ngushta me krimin e organizuar dhe dështimet e tjera te ‘luftës se pamëshirshme te Edi Ramës kundër drogës’, nuk e penguan Komisionin t’i ftonte vendet anëtare për te çelur negociatat. Por a do të mjaftojë procesi i integrimit, kjo ‘kurë’ te e cila shpreson kryeministri, për ta mposhtur korrupsionin dhe krimin e organizuar? Për momentin faktet duket se janë ende larg pritshmërie te Brukselit….