25 punonjës të Hipotekës dhe Aluiznit janë dërguar për ndjekje nga ministrja e Drejtësisë Etilda Gjonaj, pasi akuzohen për veprën penale të korrupsionit.
“Që nga 16 prilli deri në 30 maj, pra në një periudhë 1 muaj e gjysmë janë dërguar për ndjekje penale 25 zyrtarë të Zyrave të Regjistrimit të Pasurive të Paluajtshme dhe ALUIZNI-t. Pra vetëm në 1 muaj e gjysmë janë marrë masa represive duke përfshirë që nga regjistruesit dhe deri te punonjësit më të thjeshtë”, ka deklaruar ministrja Gjonaj.

Nga qyteti bregdetar i Vlorës, ministrja i bëri apel që qytetarët nuk duhet t’u japin rryfshet punonjësve të administrates për të marrë shërbimin e përcaktuar me ligj, por duhet ta denoncojnë atë.

“Ju lutem mos pranoni të jepni rryshfet dhe ju lutem përsëri, zyrtarisht dhe personalisht: Denoncojini rastet e korrupsionit. Nuk toletohet as edhe një”, është shprehur ministrja Gjonaj.