E diela në Prishtinë filloi me temperatura të larta, por pasditja ndryshoi.

Shtrëngatë me shi ka kapluar vendin, ndërkohë pritet njëlloj edhe në ditët e para të javës që po hyjmë.

Nga mesi i javës pritet të ketë mot më stabil.

Nga dita e mërkurë, priten kushte më stabile, që do të sjellin intervale më të gjata me diell, vetëm rreth viseve malore mbeten mundësi për reshje lokale shiu dhe bubullimë.

Të enjten mot pjesërisht i vranët, me intervale më të gjata me diell. Pasdite rreth viseve malore mundësi për reshje lokale shiu me bubullimë. Ditën e premte mot kryesisht me diell. Në orët e pasdites mundësi për reshje lokale shiu me bubullimë, sipas Prishtina Weather

Temperaturat e ajrit, edhe pse priten të pësojnë rënie të lehtë, mbesin pak mbi vlera mesatare. Minimalet do të sillen nga 12C deri në 13C, e ato maksimale nga 26C deri në 29C.

Do të fryjë erë e lehtë dhe mesatare veriperëndimi-perëndimi 2-6m/s.

Shtypja atmosferike do të pësojë një rënie të lehtë nën vlera normale.