Anton Quni kandidat për deputet i LDK-së, ka thënë se koalicioni në të cilin ai bën pjesë do të angazhohet që themelimi i Ushtrisë së Kosovës të bëhet në rrugë kushtetuese.

“LDK-ja mendon ta bëjë procedimin në Kuvendin e Kosovës të çështjes së formimit të Forcave të Armatosura të Kosovës duke iu përmbajtur të gjitha parimeve kushtetuese. Pasi që Kushtetuta e parasheh që duhet edhe një numër i caktuar i deputetëve të pakicës të japin pëlqimin për themelimin e Ushtrisë, LDK-ja parapëlqen që transformimi i FSK-së në Forca të Armatosura të bëhet duke respektuar këtë kusht”, ka thënë Quni në KTV.

Quni ka thënë se duhet një bashkëveprim i mirë me NATO-n dhe SHBA-të.

“Tek kur do të shtereshin të gjitha mundësitë për ta bërë me Kushtetutë, do të mund të procedohej që Ushtria të bëhej me Ligj”, ka thënë Quni.