Sot Lëvizja Vetëvendosje ka përmbyllur fushatën në Prishtinë, shkruan Arbresh.info

Kandidati për kryeministër të Kosovës nga Lëvizja Vetëvendosje, Albin Kurti gjatë fjalimit para të pranishmëve tha se Lëvizja Vetëvendosje është i vetmi koalicion që do ta bëjë republikën me duar të pastra.

“Lëvizja Vetëvendosje është i vetmi koalicion që do ta bëjë republikën me duar të pastra pasi që në listë nuk ka njerëz me të kaluar kriminale, ne do të punojmë  krah SHBA-s, Gjermanisë e miqve ndërkombëtar”, tha Kurti para të pranishmëve

Ndërsa, për të korruptuarit ka thënë se ata do të luftohen përmes ligjeve, e në veçanti ligjit anti-mafia, që do të iniciohet nga qeverisja e Vetëvendosjes.

“Me Qeverinë e Vetëvendosjes Prokuroria nuk do t’ua ndriçojë rrugën hajnave. Me qeverinë e Vetëvendosjes do të kemi ligj anti-mafia”, tha Kurti.

Për pushtetarët e deritanishëm Kurti tha se populli më nuk do t’i dëgjojë përrallat e tyre dhe se më 11 qershor populli do t’i rrëzojë ata përdhe.

“Përrallat e tyre janë anestezioni për vjedhjen e buxhetit të shtetit. Më 11 qershor populli do të çohet në këmbë për t’i rrëzuar për dhe këta të korruptuar”, theksoi Kurti.