Kuvendi i Kosovës është duke mbajtur seancë të jashtëzakonshme, pas kërkesës së Partisë Demokratike të Kosovës në lidhje me, siç thuhet, rrezikimin e marrëdhënieve diplomatike të Republikës së Kosovës me Shtetet e Bashkuara.

Kryeministri i Kosovës, Albin Kurti nuk heq dorë nga qëndrimi i tij për heqjen e pjesshme të tarifës 100% dhe zëvendësimin e saj me masat e reciprocitetit ndaj Serbisë.

“Mbajtja e tarifës 100 siç është e pa riprocitete është pozicion ekstrem. Edhe heqja e plotë e tarifës është tension ekstrem. Ne duhet të jemi kundër këtyre ekstremeve. Ne duhet të jemi të bindur që ka një qëndrim normal. E ky është zëvendësimi gradual I tarifës 100 me reciprocitetin. Përgjatë këtij zëvendësimi do të krijohen masat për dialogun. Është e domosdoshme që të ikim prej këtyre ekstremeve”, tha Kurti në Kuvend.