Maserati bën histori – arrin shpejtësi rekord pa shofer fare

22:50 | 3 Mars 2025
D.H

Një Maserati MC20 sapo ka vendosur një rekord.

Një ekip ka modifikuar superveturën italiane për të vozitur në mënyrë autonome, dhe ajo arriti 318 km/h, duke mposhtur rekordin e mëparshëm prej 310 km/h.

Rekordi u arrit në një nga pistat më të gjata në botë, në Florida, e cila ofron shumë hapësirë për teste të tilla me shpejtësi të lartë, përcjell Telegrafi.

Ndryshe, rekordi i mëparshëm mbahej nga një veturë garash e ndërtuar nga Indy Autonomous Challenge

Një tjetër MC20 mban në fakt rekordin e mëparshëm për veturën autonome më të shpejtë në 284 km/h, të cilin IAC e arriti nëntorin e kaluar.

Raportohet se ky nuk është Maserati i parë vetë-drejtues që shfaq teknologjinë e tij.

Vitin e kaluar, një GranCabrio autonome iu bashkua 1000 Miglia në Itali.