Milani e ka angazhuar zyrtarisht Marco Giampaolon në postin e trajnerit. Ish-strategu i Sampdorias ka nënshkruar kontratë dyvjeçare me Rossonerët me opsionin për ta vazhduar edhe për një vit.

Pas tri sezoneve të kaluara te Sampdoria, Giampaolo e ndërpreu kontratën me marrëveshje të dyanshme dhe nënshkroi në Milanello kontratën e re, nga e cila do të përfitojë rreth dy milionë euro në sezon.

AC Milan njofton se e ka angazhuar Marco Giampaolon si trajner të ri të ekipit të parë me fillim nga 1 korriku 2019. Marrëveshja është valide deri më 30 qershor 2021, me opsionin për ta vazhduar deri në qershor 2022″.

“Marco Giampaolo, ka lindur në Bellinzona më 2 gusht 1967, ka qenë trajner në 324 ndeshje në të gjitha garat gjatë karrierës së tij, 270 nga të cilat kanë qenë në Serie A”.

“Giampaolo do ta drejtojë ekipin e parë të Milanit nga dita e parë e stërvitjeve për sezonin e ri në Milanello që fillin më 9 korrik”, thuhet mes tjerash në njoftimin e klubit italian. /Telegrafi/