Golden Eagle Ylli ka ndërprerë marrëveshjen e bashkëpunimit me tre lojtarë, njëri ndër ta kryesori deri më tani në triumfet e kësaj skuadre.

Bëhet fjalë për Terrell Brown, Zach Goodline dhe Jakorie Smith, shkruan Arbresh.info.

Lajmin e ka bërë të ditur vetë skuadra suharekase përmes një postimi në rrjetin social Facebook.

“Pas një marrëveshjeje të dyanshme, kemi vendosur të ndërpresim bashkëpunimin me lojtarët Zach Goodline, Jakorie Smith dhe Terrell Broën. Klubi shpreh mirënjohjen e tij për kontributin e tyre dhe ju uron suksese të shumta në karrierën e ardhshme!”, shkruhet në njoftimin e Yllit.

Basketbolli në Kosovë pritet të kthehet në aksion fillimisht ditën e enjte me takimin e mbetur nga xhiroja e nëntë mes Borës dhe Sigal Prishtinës.

Kurse në fundjavë zhvillohet xhiro e 10-të, me Yllin që do të jetë mysafire e Sigal Prishtinës në kryeqytet.

Pas nëntë ndeshjeve skuadra nga Suhareka numëron pesë fitore e katër humbje teksa aktualisht ndodhet në pozitën e tretë në klasifikim./Arbresh.info