Shpallja e Dritës kampione dhe ngritja e nivelit në të gjitha aspektet, ka bërë që bardhekaltërit të jenë një opsion i pëlqyeshëm edhe për futbollistët e rivalit lokal, Gjilanit.

Drita vetëm brenda këtij afati kalimtar ka transferuar katër “skiftera” në ekip, përcjellë Gazeta Olle.

Sigurisht, këtu ka ndikuar edhe gjumi i thellë i kryesisë bardhekuqe, që as këtë vit nuk ka punuar aq sa për të synuar objektiva madhorë.

Fillimisht ata e morën sulmuesin Betim Haxhimusa, për të cilin u krijua një debat i madh në internet, por ferizajasi shpejtë e gjeti qetësinë.

Më pas, kampioni kosovar arriti marrëveshje edhe me Zgjim Mustafën, që po ashtu luajti për Gjilanin edicionin e kaluar.

Goditja e radhës ishte Arbër Shala, i cili në fakt kishte luajtur para dy vitesh te Gjilani.

“I kuqi” i katërt që iu bashkua Dritës ishte Filonit Shaqiri.

Mesfushori dje u prezantua si futbollist i Dritës, duke premtuar maksimumin për fanellën e klubit të ri.