Vëllaznimi ka arritur të shënoj fitore të madhe në Gjakovë duke e mposhtur Sigal Prishtinën me rezultat 100-87.

Në ndeshjen e zhvilluar në kuadër të xhiros së 14-të në Superligën e Kosovës, gjakavorët patën paraqitje fenomenale duke e dërguar epërsinë deri në 30 pikë, shkruan Arbresh.info.

Mirëpo kryeqytetasit e shkrinë në 13 këtë epërsi të gjakovarëve gjatë çerekut të fundit.

Dyshja e Vëllaznimit, Hellens dhe Jitoboh ishin vendimtarët në këtë fitore të ekipit të tyre, ku realizuan nga 20 pikë secili. Teksa lojë të mirë bëri edhe transferimi i ri, Myreon Jones që shtoi edhe 16 sosh.

Kurse tek Prishtina, lojë të mirë bën Tarrant që pati 29 pikë, tetë asistime e tri kërcime dhe Sirko që shtoi 16 tjera.

Pas kësaj fitore kuqezinjtë kanë shtatë fitore dhe po aq humbje dhe kalojnë në pozitën e pestë ndërsa Prishtina mbetet e gjashta me gjashtë fitore e tetë disfata./Arbresh.info