Trajneri i Sheffield United-it, Chris Wilder ka bërë shaka duke komentuar rikthimin e Gareth Bale në Premierë Ligë.

Uellsiani nesër do udhëtojë në Londër që t’i kryejë testet mjekësore, derisa do huazohet të Tottenham-i për një edicion.

I lumtur me këtë transferim nuk është ndarë Wilder, i cili në formë shakaje ka këshilluar Bale të mos largohet nga Real-i sepse ka vende të bukura për të luajtur golf.

“Kam thënë para disa viteve kur erdha në Premierë Ligë, kur Eden Hazard po transferohej të Real Madrid-i se do ta dërgoja në aeroport”.

“Shpresoj që Gareth të qëndrojë në Madrid, është vend i bukur dhe ka fusha të mira të golfit, andaj mos e bëjë të vështirë për ne”, tha ai.

Pos tij, Tottenham-i ka siguruar edhe shërbimet e mbrojtësit të krahut të majtë të “Los Blancos”, Sergio Reguilon./arbresh.info