Erik ten Hag ka vazhduar kontratën e tij me Manchester Unitedin edhe për dy vite tjera.

Lajmi është konfirmuar nga vetë skuadra e tij në rrjetin social X, shkruan Arbresh.info.

✍️ Here to stay.#MUFC

— Manchester United (@ManUtd) July 4, 2024

Ten Hag kishte vetëm një vit të mbetur në marrëveshjen e tij të mëparshme përpara sezonit 2024/25, por tani ka nënshkruar një zgjatje për të qëndruar në Old Trafford deri në vitin 2026.

“Jam shumë i kënaqur që kam arritur marrëveshje me klubin për të vazhduar punën së bashku”, ka thënë fillimisht Ten Hag për faqen zyrtare të klubit.

“Duke parë dy vitet e fundit, ne mund të reflektojmë me krenari për dy trofe dhe shumë shembuj të përparimit nga ku ishim kur u bashkova”.

“Megjithatë, duhet të jemi të qartë se ka ende shumë punë të vështirë përpara për të arritur nivelet e pritura nga Manchester United, që do të thotë sfidë për tituj anglezë dhe evropianë”.

“Në diskutimet e mia me klubin, ne kemi gjetur unitet të plotë në vizionin tonë për arritjen e këtyre qëllimeve dhe ne të gjithë jemi të përkushtuar fuqimisht për ta bërë atë rrugëtim së bashku”, përfundoi holandezi.